話說
自己的皮膚由上年三月衰到依家
係尼幾排先好返好多
少左生暗瘡
但我尼排塊面做過好多野
都唔知係邊樣野掂…
1. 中藥酵素mask
比美容院d 女仔sell 既
不過尼個mask 用成兩個幾鐘又幾浪費時間…
做既都係普通既程序
不過洗完面就會即刻敷個中藥mask
好大陣味 又可以話臭
不過聞慣左就覺得陣味好舒服
個mask 應該係水汪汪會滴水既
成日滴左d 落頭髮度
返到屋企幾日都仲有味
敷完之後做返哂針清peeling 按肩頸
再倒多個模 尼個倒模敷成個鐘
搞掂哂明顯見d 暗瘡消左腫無咁紅
做左三次己經好返好多
得返d暗瘡印同d 瘡仔
但成四百幾蚊次又好似貴左d 喎….
2. skii 神仙水
見到d 同事用完塊面靚到識發光
決定買d sample 仔尼用下
用左差不多一個月 真係無生咁多暗瘡喎
雖然未到剝殼雞蛋咁靚 但明顯有光澤左好多!!!
佢陣味初初用時覺得幾難頂
但不過係發酵酒精味啫 用耐左就唔覺得係一回事
衰在佢真係好貴
九百幾蚊先得215ml 成4個幾1ml 呀!!!
如果想買就買sample 啦
sasa $90/30ml 即係$3/ml (or colormix $95/30ml) 抵好多
不過好少有貨 見到就好掃哂佢啦
3. 彩豐行12杯水gel
自己本身用緊skinfood 覆盤子營養精華(?)
但可能係太多營養 所以勁出油
唯有轉用勁補水又唔太貴既彩豐行
不過尼隻野又真係唔差喎
用完之後面油出少左
我以前影相張張相塊面都反哂光架
用完尼個明顯有好大改善
因為自己係乾性皮膚 乾得濟所以出油去平衡返
所以自己每晚會擦兩層12杯水gel
而之前用開個skinfood 用得唔好嘥 用尼滋潤條頸都好~
4. 森田醫藥mask
用開美麗日記就覺得森田醫藥d mask 比較貴 成$10塊喎
但見d 人起論壇度大讚 稱之為皇道
就即刻買返d 尼試下先
打開 無珍珠紙 good! 我鐘意環保
台灣mask 例牌實有既垃圾佢都可以放棄
再來 佢個mask 係超貼面之餘有好多精華液呀!!!!
試過美麗日記都知 佢係一d 都唔貼既 (白金系列除外)
森田尼隻真係唔錯
d 精華液可以留返尼第二日擦下面都好~
敷10分鐘就可以了
唔似其他要成20分鐘 唔洗浪費時間!
而且尼個mask 吸收得好好喎
敷左5分塊mask 已經開始乾
敷完都好乾爽架~
效果方面: 美白很好 暗瘡消炎很好 紅腫減退很好 保濕很好
每隻mask 都好好啦~
另外佢仲有一樽既mask 都係唔錯架~
5. 多飲果醋
細個時貪得意 都有飲過果醋
但其實唔平所以無keep 住飲 以家有再飲返
d 人話飲果醋可以美白減肥喎
但我飲左只係多左放屁… 便便又無多左
飲完真係唔知有乜用…
應該係咁多啦~ 希望皮膚keep 住靚靚啦~
