巿面上最便宜的磨砂!!

一向無做開磨砂 鬼叫自已懶嘛
但去完mp d人話其實連underarm 都應該做磨砂
但真係好懶….

不過如果唔想起磨砂度洗錢 其實可以用粗鹽架!!!
而且效果超好!!!
用完沐浴露用又得 沖走哂d沐浴露先用又得
用完又真係滑嘟嘟架!!!!

會唔唔係因為人體都係有鹽既成份所以特別夾呢?
定係只不過係d 鹽溶左落d 皮膚度所以感覺滑左呢?
唔知 不過要小心有傷口既話會好痛
如果太大力磨磨損左又會好痛!!!
同埋記得記得磨完砂一定一定要擦返lotion/cream/baby oil 先可以保護到皮膚嘛

但如果塊臉又想用d 好平好平既磨砂呢?
千祈千祈唔好用粗鹽呀!! 用到爛臉到似呀!!!
臉部磨砂既話呢 用幼糖加甘油就可以啦
初初用時可以落多d 甘油慢慢試
一個禮拜用一兩次好啦~

希望大家身身心心都可以永遠咁靚啦~

AST

小時候我係機器殺手
頭兩部手提雖然唔係買既
但就用左唔夠兩個月就壞左
其中一部仲可以係個mon 裂左
睇尼我個袋有舊石頭喎
所以都唔太鐘意d 高科技產品


以家長大左 連電腦都唔會成日壞啦~
就每樣野都買返比自己
費事同兄弟姊妹分享嘛
剛剛買部相機 係起網上訂既水貨
男友話買水貨唔好喎
因為我係用緊大陸手機
一千蚊左右可以影相聽歌錄片喎
用左兩年都好好 只係舊電話衰d 用唔到好耐…

好 講返相機 點解買水貨呢
梗係因為佢平好多啦 平五百喎!!!
不過見自己用手機電腦mp3等等既野都好長壽
就算行貨水貨如果無壞既話其實咪又係一樣
所以 決定買部水貨粗用

上格價網見fujifilm finepix j250只係$950
睇落function 又唔差喎 無試機就買左啦
本身諗住落店買 但自己又懶唔想去
叫左姐幫我去但佢去時又咁啱無貨
唯有起AST 度訂

佢地又幾有效率喎
我起網上留言唔洗兩個鐘就有人覆我啦
第二個電郵已經可以確認訂單 10分鐘後就有專人打電話尼
而且仲可以聽日就攞到地鐵站比我tim
佢地仲要超準時 約左2點但1:45已經到啦
網上服務做到咁都算唔差

可惜自己始終無試過機就話要買尼款
部機原來load 得好慢 要5秒先儲存到一張相…

Musee Platinum

好耐之前起dermes 試做過激光脫毛
但果時仲讀緊書 無成萬蚊join course
眼見家陣好多平價彩光脫毛
格左好耐價終於決定去MP


去之前都有起網上搵過資料
個個都讚佢地服務好
又有一週年優惠 HK$980有五次
嘩!! 好抵喎

打去登記時佢都話只係上去聽下
上到去又真係一d 都唔hardsell 喎
反而係我催佢快d 幫我做…

第一次上去佢會幫我剃哂d毛毛
之後擦d gel 有幾下強光咁就打完一邊既underarm
又係無乜感覺喎
做埋另一邊之後有d 凍冰冰既野夾起underarm 好舒服呀~
佢地仲保證如果淨係做underarm 既話呢
每次都一定會起30mins 內做完囉
咁就唔會浪費時間啦

仲有條款寫明哂約左唔到遲到都會當做左tim
好過其他公司無講過但就都係會扣囉
一次join 左13次 五次之後既次數起三年內唔想要可以做退款
平時只得兩年 join 夠13次先會加長到三年呢
還點下年要去澳洲 梗係要多d 時間先得啦

做完返屋企成等左三日都無料到
d 毛根都係慢慢長返出尼
妖 唔通彩光太弱

一個月之後先突然發現原來佢起不知不覺間d 毛仔甩左好多呀!!!
打一次已經少左一半 睇尼好快可以清哂啦!!!

因為自已又剃開又拔開
所以一個毛孔長三條毛或著倒先係家常便飯
佢仲叫我要多做磨砂同擦返cream喎
以家做左兩個月 但都係無乜毛毛 好開心

Mp 覺得最好2個月先做一次
因為咁樣最有效打哂d 活躍的毛孔活動喎
所以我想book 個半月後佢地會極力阻止
服務真係幾細心

D 美容師仲要個個都係白白滑滑
近水樓台
可能自己得閒就會叫同事幫自己打下啩

Skinic

一直都想試做laser 好耐
之前登記過dr. pro試做
但因為暗瘡太多唔做得

而做左個藍光facial

效果唔差但唔係我想要既野嘛

所以見到BE 有免費試做就即刻登記左啦~

昨天上去CWB 分店試做

先洗臉再做皮膚分析

佢個皮膚分析又比Reneex 果個好d 喎

除左用高解像度可以zoom 到睇到粒毛孔

仲可以睇到皮膚深層既色素

嘩! 原來自己超多色素架!!

明明得少少雀斑但底層d 色素多好多呢…

好 開始試做

部laser 機d 聲好恐怖 好似煎緊d 油咁彈彈下既聲

不過美容師話係因為我起短短30分鐘內出左油

所以特別響喎

一打落尼就一陣燶味 而且打起多毛既位置特別痛!!

雖然係免費 但都打左兩轉

d 面毛會打到變哂白色

所以要摭住d 眉毛同眼睫毛尼打

但點解會變左白色呢? 唔知喎

但好得意

我個人算唔怕痛

平時做針清個個都話我忍得痛

所以可能其實係有d痛啦

做完仲加左$325做水楊酸 peeling

reneex 做緊成六百幾喎 梗係做埋佢啦

而且有個cool down 既mask 好舒服呢

做完哂時埋面好多地方紅哂 似針清完

但係咪即刻白淨左呢? 梗係唔會咁快啦

$7000 十次laser 好想join

但下年去澳洲一年喎 做完咪又出返哂d 雀斑

所以無join 到

唯有買佢d product 醫生品牌而且有水楊酸成份 可

以有效清咁d老角質 好想快d 變靚靚呀

可惜做完三日 d 暗粒就狂標出尼

以家超多油脂粒起塊靚靚面度...

兩年前去左心心
因為朋友話著完佢d bra
個胸真係大左
就即管去試試
結果買左個bra 同件背心仔


件背心仔係因為自己個腰骨唔夠直
尼個有改善寒背
不過著起左尼套野個胸真係大左架
因為可以將熊背d 肉吱返落個胸度
連格甩底d 鬼鼠肉都可以放埋落去

但兩樣野已經要千幾蚊
唯有買套票諗住好有恒心咁會返去檢查

結果著落個膞頭鬼死咁痛
著住時個膞頭痺到好辛苦
所以都無再返去檢查
平時行過想用返d 套票 但個款真係嘛嘛

尼幾日發現d 套票就過期啦!!
成八舊水喎!! 梗係急急腳趕去用返哂d 套票啦!!!
但原來轉左名之後d bra 靚左好多!!!

其實唔係好靚 只係無左以前咁娘!!

但今次買個size 已經唔同左
死火 個胸縮左水tim…
今次買左個bra 同一件成件過既
佢話我條腰曲左所以突左個肚腩出尼喎
嘩… 咁又二千蚊啦…

如果唔係佢話可以收肚腩我都唔買
但著左兩個月效果麻麻 反而熊背真係有改善
兩個禮拜個bra 就可以扣入一格啦!!!

不過可能好多人都會唔慣個sales
會走入fitting 抓住你個胸尼教你塞哂d 肉入個bra 度
其實佢地服務好好
大家都係女仔 又無咩好怕既

價錢方面梗係xx絲更加貴啦
但body 都唔平
如果想實際d 可以去莎x美都唔差
會平一半呢

尖沙咀 M2 Plus

又係美容協會既介紹

今次去尖沙咀既m2 plus 做注氧facial

全店以白色為主色

格局簡潔 唔錯




個facial 有d 野唔係做全臉
所以加左$98 做埋頸同玫瑰噴霧


因為係太耐之前做啦 所以做左d 乜就唔太記得


做注氧之前做左部機
應該係超音波去角質層
可以幫助吸收喎

之後就打d氧氣入塊臉度
聽到d 泡泡聲但無乜感覺
打完氧氣塊臉會腫左
因為d 氧氣起皮膚入面喎

再來就噴返玫瑰噴霧
咁又瘦返靚返d毛洞即刻無哂囉!!!


做完咁有自家湯水飲
不過好清淡無乜味

整睇尼講係唔錯
最鐘意係d 毛洞真係無哂
但注氧有乜用尼 又唔記得喎
明明空氣入唔都有氧氣
但又吸收唔到



搵女人錢真易
只要唔夠堅定就會不停比錢買 course 啦...

經絡美容

又經美容協會介紹
去左尖沙咀試做經絡 facial
(又係免費試做, 我最鐘意, 不唔記得個名)
應該都係五, 六月時既事


佢間店起位好格sip
搵左好耐都搵唔到
仲要係起二樓閣樓
上到去只係見到間salon
真係好奇怪


算 位置唔係一個問題
入到去見到間店既格局麻麻
唔係用房既 d 床係用布分開咋
隔離d 人講咩做咪我完全知道哂



個facial 係用機幫你針對穴位尼用
之後仲有個勁耐既倒模
差不多一個鐘既倒模!!!



不過尼個facial 做完效果係超好
又白又滑又有提升
唔記得要join 要幾錢啦
因為我唔鐘意個位同格局


個sales 話佢cwb 都有分店
不過就專做名人咁話喎
唔係太hardsell 算係咁
做完靚足一個禮拜 :]

尖沙咀 purple

經美容協會介紹
五月時去左尖沙咀間 purple 試做facial
當時係新開既
全間店都係以紫色為主
家具設計都好有心思 唔錯

不過只係試做普通人手facial
又因免費既 連針清同眉毛清雜毛都無做
感覺麻麻
既然係比人試做 梗係要做夠full set 先叫試做架啦!

之後同d 人傾計 講開自己便便唔多
又加錢試做佢個腹部通淋巴
因為自己好瘦但有大肚腩!!!

人手做通淋巴 第一次做唔係大舒服
可能唔慣 但又幾得意
推時個肚會咕嚕咕嚕咁嘈
佢話係推到條膓郁既聲
之後有個吸風好特別 佢個手掌可以吸住我個肚池架!!



但第二次再去做時就差左lu
因為個小姐用左手套 就無咁舒服啦

RENEEX

上年聖誕左右既時間
上在reneex 試做佢個cps

第一日上去時因為遲左少少
飲左杯菊花蜜同做左個皮膚分析
就要再約時間返尼做

唔洗睇個個都話個塊面乾得濟
所以勁出
油暗粒暗瘡黑頭乜都
有無法啦　都巿人係咁架啦

費事上到去又無得做
只好約遲d 又自己早d到
上到去今次飲左薑蜜
即刻洗臉
擦左d 野起塊臉三分鐘左右
之後就抺返中和液
總共做左十分鐘唔洗

但要join 既話就成六百幾蚊次
嘩　十分鐘六百幾蚊…. (我知, 睇時間計錢係錯既)
效果唔錯　白左滑左

走時送左幾枝sample (卸妝,臉霜, 眼霜)
仲有$25 星巴克現金券
賺左

批左啦

網站上明明話個visa 申請只需六至十天左右, 朋友於申請後十四天就已批了, 但我的還沒有... 等了二十天已等不下去了, 便email 領事館. 領事館亦於三兩天後回覆了, 原因係還沒有收到我的 health check 資料, 所以即刻覆了電郵, 說明於某月某日已於哪診所做了. 一天後再上網查看, 呵呵, visa 即刻批了~是可以即刻飛走啦, 但要多多儲錢啦~

申請visa

因為來年三月決定會去澳洲, 就七月一日即刻申請visa.

個申請程序都好簡單, 可能係搵到個網上教學啦, 係最後尾揀身體檢查搵左好耐. 明明用manual 既話要print 張EH160, 但就是找不到….. 最後看過其他blog, 才知原來只要按online health check 頁面右下角的NEXT 就可以找到啦~ 超級感謝這網友呢!!!

可惜既係, 2009年7月1日開始個visa 加左 AUD$35, 貴左二百幾蚊呀!!! 早知就早幾日申請啦, 六月幾打過去領事館問話仲有quota, 還點六月幾申請三月幾都申請到啦… 只不過見New Zealand 個visa 四月一個禮拜就夠左quota 先決定早d 申請... 但又貴左, 真衰…

網上教學的網址: http://www.young-edu.com.tw/workingholiday/workingholiday_help.html

身體檢查

前天預約了WHV 的身體檢查, 雖然是遲到了20分鍾, 護士們不但沒有發火, 還幫我check 資料呢. (預約了12點, 個體檢要45分鍾, 我遲到了20分鐘, 即係護士要遲5分鐘才可以吃 lunch 呢~)

可惜照片太遠了, 不想影即影即有, 只好隔天再來過好了, 因為我的照片都是DIY 的.

昨天再去的時候, 結果照片又太近了… 嘩, 淨係影張想都好麻煩呢…. 唯有今天補交相. 相片是要見到耳仔同頸, 但唔可以見到牙齒的. 以下係我所用的相片samples…..

太遠了

這個又太近了

就只有這個能用

不過個體檢都幾簡單, 入到去換件袍照一照就ok, 見到醫生攞個片出尼比護士, 護士又攞張片去比唔知邊個check. 再等一陣就比錢啦.

有朋友照完護士會同佢講:”如果發現有問題既話4日內個打電話比你”, 但我個護士又無講喎, 我估一切無問題. 朋友又啱啱紋左身, 見紋身要比多千幾蚊驗血就話自己無紋身, 唉……

見到網上有人話旺角最平, 但其實我 check 左好多間都係尼個價錢, 只不過係分online 同manual. Online 既話醫務所會online send 你張片去澳洲領事館 (HK$350), 而manual 就係人手寄/攞過去(HK$250); 差成舊水就梗係揀manual 啦!

事不宜遲 訂機票!!!

適逢 Air Asia 又做特價, 即刻book 定機票下年去澳洲!!!!!

因為Air Asia 無直航飛澳洲, 只好先飛去吉隆坡玩三日, 再飛柏斯. 回程等佢遲d 有特價先再買啦, 況且又未定去半年好定一年好~

香港-->吉隆坡 (連稅連15kg 寄艙) HK$381.5
吉隆坡-->柏斯 (連稅連15kg 寄艙) MYR$184.5 (HK$399)

計埋信用卡charges 都只係八百幾蚊一程咋!!!!

打工旅遊的開始

因為學業關係，只要會展有任何免費的展覽都例必出席。除了學習外，還可以拿到一大堆紀念品，包括文件夾、原子筆、記事本等等。偶然一次機會，在職業展覽上看到了"澳洲打工旅遊"，著實覺得這就是我想要的。

小時候不想念書，便跟爸爸說，"讀到中五唔讀啦，如果你想我讀多D 就比錢我去外國讀啦！"

"好，我可以幫你出學費但生活費你要自己搞掂喎。"

一直一直，到外國生活都係我的夢想，但基於經濟理由，又怎能要家裡為了我而捱窮呢？如果老爸真的給了我錢，哪大家姐又要什麼呢？二家姐及細佬呢？

打工旅遊的宣傳單張都被我收藏得特別好，閒時亦會拿出來再度閱讀。

身邊的朋友都不感興趣，或是他們的束縛比較多，所以每逢我認識了新朋友，都會向他們介紹澳洲。終於，於2007年，我找到了可以跟我一起出發的朋友。

那年，我還在借錢念大學(最後我都把大學念完)，所以大學畢業後很想快點工作努力賺錢。用了一年半時間，我努力努力工作只是為了加人工，結果，入職不夠三個月，因雷曼事件而減人工了一年(公司只是借題發揮，我看不出雷曼事件有影響到公司業務)，每個月不停計算自己能存多少錢。

目標是要有三萬，但原來工作了入年半，還錢還了三萬五後便沒能存多少。著實我只想帶一萬元離開香港，其他是想留在家裡應急用的，家裡少了個女兒，爸媽會掛心；若有事發生，我還是希望我的錢能幫上忙。